ຂ່າວກິລາ

ກິລາເຕະບານຄ.ສ.ບ ຈະໄດ້ຈັດຂື້ນໃນວັນທີ 17/12/2012

ອຟເອ ຕັ້ງ 2 ຂໍ້ຫາຫຼິ້ນງານລີເວີພູຈົນເຖິງ ຊົວເຣສ
ວັນທີ 08 ທັນວາ 2011ເນ

    ສະ­ມາ­ຄົມ​ເຕະ­ບານ​ອັງ­ກິດ (ເອ​ຟ​ເອ) ເດີນ​ໜ້າ​ຕັ້ງ​ຂໍ້​ຫາ ຫລຸຍ ຊົວ​ເຣ​ສ ຖານ​ຊູ​ນິ້ວ​ກາງ​ໃຫ້​ກອງ​ເຊຍ​ບານ​ຟູ​ແລ່ມ ພ້ອມ​ບວກ​ອີກ​ກະ­ທົງໃຫ້​ສະ­ໂມ­ສອນ​ລີ​ເວີ​ພູນ ຖານ​ຄວບ​ຄຸມ​ນັກ​ເຕະ​ບໍ່​ໄດ້…

ສຳ­ນັກ​ຂ່າວ​ຕ່າງ­ປະ­ເທດ​ລາຍ​ງານ​ເມື່ອ​ວັນ​ທີ 7 ທັນ­ວາ​ວ່າ ຫລຸຍ ຊົວ​ເຣ​ສ ໄປ​ບໍ່​ລອດ ຫຼ້າ​ສຸດ​ສະ­ມາ­ຄົມ​ເຕະ­ບານ​ອັງ­ກິດ (ເອ​ຟ​ເອ) ອອກ​ມາ​ຕັ້ງ​ຂໍ້​ຫາ​ດາວ​ຍິງ​ລີ​ເວີ​ພູນ ຖານ​ດີ­ໃຈ​ຜິດ​ເວ­ລາ ຊູ​ນິ້ວ​ກາງ​ໃຫ້​ກອງ​ເຊຍ​ບານ​ຟູ​ແລ່ມ ຫຼັງ​ຖືກ​ທີມ​ຟູ​ແລ່ມ​ຊະ­ນະ​ທ້າຍ​ເກມ 0 – Œ1 ພ້ອມ​ບວກ​ຂໍ້​ຫາໃຫ້​ສະ­ໂມ­ສອນ​ອີກ​ກະ­ທົງ​ຖານ​ຄວບ​ຄຸມ​ພຶດ­ຕິ​ກຳ​ນັກ​ເຕະ​ ບໍ່​ໄດ້.

ການ​ຕັ້ງ​ຂໍ້​ຫາ​ຄັ້ງ​ນີ້​ເກີດ​ຂຶ້ນ​ຫຼັງຊົວ​ເຣ​ສ ນັກ​ເຕະ​ດາວ​ດັງ​ຊາວ​ອູ​ຣຸກ​ວັຍ ສະ­ແດງ​ພຶດ­ຕິ​ກຳ​ທີ່​ບໍ່​ເໝາະ​ສົມ​ຕໍ່​ໜ້າ​ກອງ​ເຊຍ​ບານ​ຟູ​ແລ່ມ ຫຼັງ​ຖືກ​ຫຸ້ມ​ດ່າ​ວ່າ​ເປັນ​ພວກ​ພຸ່ງ​ລົ້ມ ແລະ ຂີ້​ໂກງ ໃນ​ຂະ­ນະ​ທີ່​ທາງ​ສະ­ໂມ­ສອນ​ລີ​ເວີ​ພູນ​ກໍ​ຖືກ​ຂໍ້​ຫາ​ພ່ວງ​ໄປ​ດ້ວຍ ຫຼັງ​ຈາກ​ທີ່​ປ່ອຍ​ໃຫ້​ນັກ​ເຕະ​ໄປ​ຫຸ້ມປະ​ທ້ວງ​ຜູ້​ຕັດ­ສິນ​ຫຼັງ​ໃຫ້​ໃບ​ແດງ ເຈ ສະ​ເປຍ​ຣິງ ກອງ​ກາງ​ດາວ​ຮຸ່ງ ຖານ​ພຸ່ງ​ສຽບ ມຸ​ສ​ຊາ ເດມ​ເບວ ນັກ​ເຕະ​ຟູ​ແລ່ມ ໃນ​ການ​ແຂ່ງ­ຂັນ​ເວ­ທີ​ພຣີ​ເມຍ ລີກ​ເມື່ອ​ວັນ​ຈັນ​ທີ່​ຜ່ານ​ມາ ໂດຍ​ທາງ​ສະ­ໂມ­ສອນ​ຈະ​ມີ​ເວ­ລາ​ຈົນ​ເຖິງ​ວັນ​ຈັນ​ທີ 12 ທັນ­ວາ​ນີ້ ເພື່ອ​ຊີ້​ແຈງ​ໃນ​ຂໍ້​ກ່າວ​ຫາ​ທັງ​ສອງ​ກໍ­ລະ­ນີ.

ທັ້ງ​ນີ້​ທາງ​ສະ­ໂມ­ສອນ​ລີ​ເວີ​ພູນ​ໄດ້​ຮັບ​ຊາບ​ຂໍ້​ກ່າວ​ຫາ​ດັ່ງ­ກ່າວ​ຈາກ​ ເອ​ຟ​ເອ​ເປັນ​ທີ່​ຮຽບ​ຮ້ອຍ ແລະ ກຳ­ລັງ​ທົບ​ທວນ​ເອ­ກະ­ສານ​ພະ­ຍານ ທີ່​ຈະ​ໃຊ້​ຊີ້​ແຈງ​ກ່ອນ​ທີ່​ຈະ​ໃຫ້​ຄວາມ​ເຫັນ​ໃດໆ.

ທ່ານ ທອງຄູນ ແສງດາລາ ແນະນຳນັກກີລາກະຕໍ້ກຽມພ້ອມສູ່ງານ ໄກ່ຜູ້ໂອກເກມ
ວັນທີ 01 ທັນວາ 2011 – ເວລາ 10:14:02
Divider

ທ່ານ ທອງ​ຄູນ ແສງ​ດາ­ລາ ເຈົ້າ­ເມືອງ​ສີ​ໂຄດ​ຕະ­ບອງ ໃນ​ນາມ​ຜູ້​ຮັບ­ຜິດ­ຊອບ​ກີ­ລາ​ກະ­ຕໍ້​ທີມ​ນະ­ຄອນ­ຫຼວງ​ວຽງ​ຈັນ ກໍ​ໄດ້​ລົງ​ແນະ­ນຳ​ນັກ­ກີ­ລາ​ຕື່ມ ເພື່ອ​ກຽມ​ຈິດ​ກຽມ​ໃຈ​ຍາດ​ເອົາ​ໄຊ­ຊະ­ນະ​ໃຫ້​ໄດ້​ຕາມ​ເປົ້າ​ໝາຍ.

ຕອນ​ແລງ ວັນ​ທີ 29 ພະ­ຈິກ ຜ່ານ​ມາ​ນີ້ ທ່ານ ທອງ​ຄູນ ແສງ​ດາ­ລາ ກໍ​ໄດ້​ລົງ​ໄປ​ໂອ້​ລົມ​ກັບ​ຄູ​ເຝິກ ແລະ ນັກ­ກີ­ລາ​ກະ­ຕໍ້​ທີມ​ນະ­ຄອນ­ຫຼວງ​ວຽງ​ຈັນ​ຕື່ມ ຢູ່​ທີ່​ເດີ່ນ​ເຝິກ­ຊ້ອມ​ຂອງ​ນັກ­ກີ­ລາ ທີ່​ພະ​ແນກ​ກີ­ລາ-ກາ​ຍະ​ກຳ​ນະ­ຄອນ­ຫຼວງ​ວຽງ​ຈັນ ໃນ​ໂອ­ກາດ​ກະ­ກຽມ​ຄວາມ​ພ້ອມ​ເປັນ​ຄັ້ງ​ສຸດ​ທ້າຍ ກ່ອນ​ອອກ​ເດີນ­ທາງ​ໄປ​ງານ ໄກ່​ຜູ້​ໂອກ​ເກມ ໂດຍ ​ທ່ານ​ໄດ້​ແນະ­ນຳ​ທາງ​ດ້ານ​ແນວ​ຄິດ​ຈິດ­ໃຈ​ຂອງ​ນັກ­ກີ­ລາ​ທຸກ​ຄົນ ໃຫ້​ຮັກ­ສາ​ອຸ­ດົມ​ຄະ­ຕິ​ຂອງ​ຕົນ​ເອງ​ໃຫ້​ດີ​ຄື: ຄົນ​ນະ­ຄອນ­ຫຼວງ ຕ້ອງ​ຮັກ​ນະ­ຄອນ­ຫຼວງ ກຽມ­ພ້ອມ​ຍາດ​ເອົາ​ໄຊ­ຊະ­ນະ​ມາ​ຕ້ອນ​ມາ​ຝາກ ພໍ່​ແມ່​ປະ­ຊາ­ຊົນ​ບັນ­ດາ­ເຜົ່າ​ໃນ​ນະ­ຄອນ­ຫຼວງ​ວຽງ​ຈັນ ໄປ​ຄຽງ​ຄູ່​ກັນ​ນັ້ນ ນັກ­ກີ­ລາ​ນະ­ຄອນ­ຫຼວງ​ວຽງ​ຈັນ ຕ້ອງ​ຮັກ­ສາ​ໃຫ້​ໄດ້​ການ​ເປັນ​ແບບ­ຢ່າງ​ທີ່​ດີ ຕ້ອງ​ເອົາ​ຊະ­ນະ​ຄູ່​ຕໍ່­ສູ້ ດ້ວຍ​ຄວາມ​ເກັ່ງ​ກ້າ​ສາ­ມາດ ດ້ວຍ​ນ້ຳ­ໃຈ​ນັກ­ກີ­ລາ ອັນ​ສຳ­ຄັນ​ກ່ວ​າ​ໝູ່​ຕ້ອງ​ເປີດ​ໃຈ​ຮັກ​ກັບ​ໝູ່​ເພື່ອນ​ຢູ່​ທຸກໆ​ແຂວງ​ໃນ​ ທົ່ວ​ປະ­ເທດ ຕາມ​ທິດ​ຊີ້​ນຳ​ຂອງ​ທ່ານ​ເຈົ້າ​ຄອງ​ນະ­ຄອນ­ຫຼວງ​ວຽງ​ຈັນ.

ໃນ​ໂອ­ກາດ​ດຽວ​ກັນ​ນີ້ ທ່ານ ທອງ​ຄູນ ແສງ​ດາ­ລາ ຍັງ​ໄດ້​ນຳ​ເຄື່ອງ​ອຸ­ປະ­ກອນ​ກີ­ລາ​ກະ­ຕໍ້​ຈຳ­ນວນ​ໜຶ່ງ ທີ່​ໄດ້​ຮັບ​ການ​ຊຸກ­ຍູ້​ອຸ­ປະ­ຖຳ ໄປ​ມອບ​ໃຫ້​ນັກ­ກີ­ລາ​ທີມ​ນະ­ຄອນ­ຫຼວງ​ວຽງ​ຈັນ​ຕື່ມ​ອີກ.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / ປ່ຽນ )

Twitter picture

You are commenting using your Twitter account. Log Out / ປ່ຽນ )

Facebook photo

You are commenting using your Facebook account. Log Out / ປ່ຽນ )

Google+ photo

You are commenting using your Google+ account. Log Out / ປ່ຽນ )

Connecting to %s