ລັດຖະບານຊີ້ແຈງການແກ້ໄຂຜົນກະທົບຈາກໄພນ້ຳຖ້ວມຕໍ່ ສສຊ

*(ປຊຊ): ການແກ້ໄຂຜົນກະທົບຈາກໄພນ້ຳຖ້ວມ​ ​ແລະ ແຜນການ ຟື້ນຟູໃນຕໍ່ໜ້າ ເຊິ່ງສະເຫນີໂດຍທ່ານພົນ​ໂທ ດວງ​ໃຈ ພິຈິດ ຮອງນາ ຍົກລັດຖະມົນຕີ, ລັດຖະມົນຕີວ່າການກະຊວງ ປ້ອງກັນປະ ເທດ, ປະທານຄະນະ ກຳມະການປ້ອງກັນ ​ແລະ ຄຸ້ມຄອງໄພພິບັດ ແຫ່ງຊາດ. ຕໍ່ກອງປະຊຸມສະໄຫມສາມັນເທື່ອທີ 2 ຂອງສະພາ ແຫ່ງຊາດ ຊຸດທີ VII ໃນຕອນເຊົ້າວັນທີ 8 ທັນວາ 2011 ນີ້

ພາຍໃຕ້ການເປັນປະທານຂອງທ່ານນາງ ປານີ ຢາທໍ່ຕູ້ ປະທານສະພາແຫ່ງຊາດ. ໃນການສະເຫນີຕໍ່ກອງປະຊຸມ ໄດ້ຍົກໃຫ້ເຫັນວ່າ ໄພນ້ຳຖ້ວມທີ່ເກີດຈາກພາຍຸຮາຍມາ ​ແລະ ນົກເຕັນໃນປີ ນີ້ໄດ້ສົ່ງຜົນກະທົບເຖິງ 12 ແຂວງ 96 ເມືອງ 1.790 ບ້ານ. ນອກຈາກພາ ຍຸແລ້ວຍັງເກີດຝົນຕົກຢ່າງ ຫນັກໃນ 3 ແຂວງພາກເຫນືອ ລວມພື້ນທີ່ຖືກຜົນກະທົບໃນປີນີ້ແມ່ນ 15 ແຂວງ. ຜົນເສຍ ຫາຍລວມມູນຄ່າ 1.400 ຕື້ກວ່າກີບ ​ແລະ ມີຜູ້ເສຍຊີວິດຈຳນວນ 30 ຄົນ, ຜົນເສຍຫາຍນີ້ຖ້າທຽບໃສ່ພາຍຸເກດສະຫນາໃນປີ
2009  ແມ່ນເພີ່ມຂຶ້ນ 2 ເທົ່າ. ອັນໄດ້ສົ່ງຜົນກະທົບຕໍ່ການພັດທະນາເສດຖະກິດ – ສັງຄົມສົກປີ 2011-2012, ເລີ່ມແຕ່ມື້ ເກີດໄພທຳມະຊາດເປັນຕົ້ນມາລັດຖະບານ ໂດຍມີຄະນະກຳມະການປ້ອງກັນ ​ແລະ ຄຸ້ມຄອງ ໄພພິບັດແຫ່ງຊາດ ໄດ້ເອົາໃຈໃສ່ຊີ້ນຳ ບັນດາຂະແຫນງການ ແລະ ທ້ອງຖິ່ນປຸກລະດົມທຸກພາກສ່ວນ ເຂົ້າຮ່ວມແກ້ໄຂແບບສຸກເສີນ ຊ່ວຍປະຊາຊົນຜູ້ປະສົບໄພ ໄດ້ຈັດ ສົ່ງພາຫະນະອຸປະກອນ (ເຮືອຈັກ) ແລະ ກຳລັງພົນເຂົ້າຊ່ວຍເຫລືອບັນດາການນຳຂັ້ນຕ່າງໆ ໄດ້ລົງຊີ້ນຳແກ້ ໄຂສະພາບດັ່ງກ່າວ ພ້ອມກັນນັ້ນລັດຖະບານຍັງໄດ້ເອົາໃຈໃສ່ ປຸກລະດົມທຸກພາກສ່ວນທັງພາຍໃນ ​ແລະ ຕ່າງປະເທດ, ປະຊາຊົນຊັ້ນຄົນຕ່າງໆເຂົ້າ ຮ່ວມຊ່ວຍເຫລືອມາຮອດປະຈຸບັນໄດ້ຮັບບໍລິຈາກທັງຫມົດ 4,1 ຕື້ກີບ. ລັດຖະບານໄດ້ອະນຸມັດເງິນແຮສຸກເສີນຈຳນວນ 350 ລ້ານກີບ ແລະ ວັດຖຸຊ່ວຍປະຊາຊົນ, ອົງການຈັດຕັ້ງສາກົນປະເທດ ເພື່ອນມິດໄດ້ລົງສຳຫລວດຜົນເສຍຫາຍ ​ແລະ ມາຮອດປະຈຸບັນໄດ້ໃຫ້ການ ຊ່ວຍເຫລືອປະມານ 12 ລ້ານໂດລາ. ເຊິ່ງກອງປະຊຸມລັດຖະບານປະຈຳ ເດືອນກັນຍາ 2011 ໄດ້ພິຈາລະນາ ​ແລະ ຮັບຮອງເອົາແຜນຟື້ນຟູໄພນ້ຳຖ້ວມໃນ 12 ແຂວງ ຕິດພັນກັບການຊຸກຍູ້ການຜະລິດລະດູແລ້ງ 2011​-​2012 ໂດຍໄດ້ອະນຸມັດເງິນ 100 ຕື້ກີບ. ສຳລັບແຜນຮີບດ່ວນລັດຖະບານໄດ້ກຳນົດ 3 ແຜນວຽກໃຫຍ່ຄື: ແຜນຊ່ວຍເຫລືອປະຊາຊົນຜູ້ປະສົບໄພໃຫ້ຄືນສູ່ສະພາບປົກກະຕິໂດຍໄວ. ແຜນຟື້ນຟູໂຄງລ່າງດ້ານກະສິກຳ ​ແລະ ສະຫນອງສິ່ງອຳນວຍຕ່າງໆໃຫ້ການຜະລິດລະດູແລ້ງສົກປີ 2011-2012 ​ແລະ ແຜນຟື້ນຟູພື້ນຖານ ໂຄງລ່າງກ່ຽວຂ້ອງອື່ນໆ ພ້ອມກັບແຜນໄລຍະຍາວ. ຈາກນັ້ນຄະນະປະຈຳສະພາແຫ່ງຊາດກໍ່ໄດ້ມີຄຳເຫັນກ່ຽວ ກັບການແກ້ໄຂຜົນກະທົບຈາກໄພນ້ຳ ຖ້ວມຂອງລັດຖະບານ ໂດຍເຊື່ອ ມັ້ນວ່າພາຍໃຕ້ການນຳພາຂອງພັກ ​ແລະ ຄວາມພະຍາ ຍາມຂອງລັດຖະ ບານຈະສາມາດແກ້ໄຂຜົນກະທົບຈາກໄພນ້ຳຖ້ວມຄັ້ງນີ້ ​ແລະ ຮັກສາລະ ດັບການຂະຫຍາຍຕົວຂອງພື້ນຖານ ເສດຖະກິດແຫ່ງຊາດໄວ້  ຕາມຄາດຫມາຍ ທີ່ກຳນົດໄວ້ໃນແຜນພັດທະ ນາເສດຖະກິດ-ສັງຄົມ ແຫ່ງຊາດ 5 ປີຄັ້ງທີ VII ​ແລະ ເຮັດໃຫ້ເສດຖະກິດຈະເລີນເຕີບ ໂຕບັນລຸຕາມຄາດ ຫມາຍທີ່ກອງປະຊຸມໃຫຍ່ ຄັ້ງທີ IX ຂອງພັກວາງອອກ. ໃນຕອນແລງຂອງວັນດຽວກັນ ບັນດາ (ສສຊ) ຈະໄດ້ຮັບຟັງການລາຍງານຈາກລັດຖະບານກ່ຽວກັບຍຸດທະສາດການປະຕິຮູບການສຶກສາໃນ 5 ປີ ຕໍ່ຫນ້າ (2011 – 2015).

< ຖອຍຫຼັງ ຕໍ່ໄປ >
ການເລືອກຕັ້ງ ສສຊ ຊຸດທີVII
Click here to download
Lao font

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / ປ່ຽນ )

Twitter picture

You are commenting using your Twitter account. Log Out / ປ່ຽນ )

Facebook photo

You are commenting using your Facebook account. Log Out / ປ່ຽນ )

Google+ photo

You are commenting using your Google+ account. Log Out / ປ່ຽນ )

Connecting to %s