ທ່ານນາຍົກລັດຖະມົນຕີ ຕ້ອນຮັບອະດີດນາຍົກລັດຖະມົນຕີອັງກິດ

                  ວັນ​ທີ 15 ຕຸ­ລາ 2012 ທີ່​ຫ້ອງ​ວ່າ­ການ​ລັດ­ຖະ­ບານ ທ່ານ ທອງ​ສິງ ທຳ​ມະ​ວົງ ນາ­ຍົກ­ລັດ­ຖະ­ມົນ­ຕີ ແຫ່ງ ສປປ ລາວ ໄດ້​ຕ້ອນ­ຮັບ​ການ​ເຂົ້າ​ຢ້ຽມ​ຂ່ຳ­ນັບ​ຂອງ​ທ່ານ ໂທ​ນີ ແບລ ອະ­ດີດ​ນາ­ຍົກ­ລັດ­ຖະ­ມົນ­ຕີ ແຫ່ງ ສະ­ຫະ​ລາ­ຊະ​ອາ­ນາ­ຈັກ​ອັງ­ກິດ ແລະ ອຽກ​ລັງ​ເໜືອ ເນື່ອງ​ໃນ​ໂອ­ກາດ​ທີ່​ທ່ານ​ເດີນ­ທາງ​ມາ​ຢ້ຽມ­ຢາມ​ບັນ­ດາ​ປະ­ເທດ​ອາ­ຊີ ໃນ​ໂອ­ກາດ​ດັ່ງ­ກ່າວ ທ່ານ​ນາ­ຍົກ​ໄດ້​ສະ­ແດງ​ຄວາມ​ຂອບ­ໃຈ ຕໍ່​ເຈດ​ຕະ​ນາ​ລົມ​ຂອງ​ລັດ­ຖະ­ບານ​ອັງ­ກິດ ໃນ​ການ​ເສີມ​ຂະ­ຫຍາຍ​ສາຍ​ພົວ­ພັນ​ຮ່ວມ​ມື​ລະ­ຫວ່າງ​ສອງ​ປະ­ເທດ​ໃນ​ໄລ­ຍະ​ຜ່ານ​ມາ ແລະ ຕີ​ລາ­ຄາ​ສູງ​ການ​ຊ່ວຍ­ເຫຼືອ​ອັນ​ລ້ຳ​ຄ່າ​ຂອງ​ລັດ­ຖະ­ບານ ກໍ​ຄື​ປະ­ຊາ­ຊົນ ແຫ່ງ ສະ­ຫະ​ລາ­ຊະ​ອາ­ນາ­ຈັກ​ອັງ­ກິດ ແລະ ອຽກ​ລັງ​ເໜືອ ທີ່​ມີ​ຕໍ່​ລາວ ເປັນ­ຕົ້ນ​ແມ່ນ​ການ​ຊ່ວຍ­ເຫຼືອ​ເກັບ​ກູ້​ລະ­ເບີດ​ບໍ່​ທັນ​ແຕກ ແລະ ດ້ານ​ສາ­ທາ­ລະ­ນະ​ສຸກ ນອກ​ນັ້ນ​ທັງ​ສອງ​ຝ່າຍ​ກໍ​ໄດ້​ປຶກ­ສາ​ຫາ­ລື​ກັນ ກ່ຽວ​ກັບ​ຄວາມ​ອາດ​ສາ­ມາດ​ໃນ​ການ​ເພີ່ມ​ທະ­ວີ​ການ​ພົວ­ພັນ​ຮ່ວມ​ມື​ລະ­ຫວ່າງ​ສອງ​ປະ­ເທດ ໃນ​ຂອບ​ສອງ​ຝ່າຍ ແລະ ການ​ພັດ­ທະ­ນາ​ເສດ­ຖະ­ກິດ-ສັງ­ຄົມ ການ​ຄ້າ ການ​ລົງ­ທຶນ ແລະ ການ​ພັດ­ທະ­ນາ​ແບບ​ຍືນ​ຍົງ ຝ່າຍ​ລາວ​ໄດ້​ແຈ້ງ​ກ່ຽວ​ກັບ​ຄວາມ​ກຽມ­ພ້ອມ ໃນ​ການ​ເປັນ​ເຈົ້າ­ພາບ​ຈັດ​ກອງ​ປະ­ຊຸມ​ສຸດ​ຍອດ​ອາ​ເຊັມ ຄັ້ງ​ທີ 9 ຂອງ ສປປ ລາວ ແລະ ສະ­ພາບ​ການ​ລົງ­ທຶນ​ຂອງ​ຕ່າງ­ປະ­ເທດ​ຢູ່ ສປປ ລາວ ທ່ານ​ອະ­ດີດ​ນາ­ຍົກ­ລັດ­ຖະ­ມົນ­ຕີ​ອັງ­ກິດ ໄດ້​ສະ­ແດງ​ຄວາມ​ຂອບ­ໃຈ​ມາ​ຍັງ​ລັດ­ຖະ­ບານ​ລາວ ທີ່​ໄດ້​ອຳ­ນວຍ​ຄວາມ​ສະ­ດວກ ແລະ ໃຫ້­ການ​ຕ້ອນ­ຮັບ​ຢ່າງ​ສົມ​ກຽດ ທ່ານ​ນາ­ຍົກ­ລັດ­ຖະ­ມົນ­ຕີ​ໄດ້​ອວຍ­ພອນ​ໃຫ້​ທ່ານ​ອະ­ດີດ​ນາ­ຍົກ­ລັດ­ຖະ­ມົນ­ຕີ ຈົ່ງ​ເດີນ­ທາງ​ກັບ​ຄືນ​ປະ­ເທດ​ດ້ວຍ​ຄວາມ​ສະ­ຫວັດ­ດີ​ພາບ.

                      ຂ່າວ​ແຈ້ງ​ຕື່ມ: ໃນ​ມື້​ດຽວ​ກັນ ທ່ານ ສົມ​ດີ ດວງ​ດີ ລັດ­ຖະ­ມົນ­ຕີ​ວ່າ­ການ ກະ­ຊວງ​ແຜນ­ການ ແລະ ການ​ລົງ­ທຶນ ກໍ​ໄດ້​ຮັບ​ເຂົ້າ​ພົບ​ປະ​ກັບ​ທ່ານ ໂທ​ນີ ແບລ ແລະ ທ່ານ ສຸ​ລິ​ວົງ ດາ­ລາ​ວົງ ລັດ­ຖະ­ມົນ­ຕີ​ວ່າ­ການ ກະ­ຊວງ​ພະ­ລັງ­ງານ ແລະ ບໍ່​ແຮ່ ກໍ​ໄດ້​ຈັດ​ງານ​ລ້ຽງ​ອາ­ຫານ​ຄ່ຳ ເພື່ອ​ປຶກ­ສາ​ວຽກ​ງານ​ກັບ​ທ່ານ​ອະ­ດີດ​ນາ­ຍົກ­ລັດ­ຖະ­ມົນ­ຕີ ສະ­ຫະ​ລາ­ຊະ​ອາ­ນາ­ຈັກ​ອັງ­ກິດ ແລະ ອຽກ​ລັງ​ເໜືອ ພ້ອມ​ດ້ວຍ​ຄະ­ນະ​ຢູ່​ໂຮງ­ແຮມ​ລາວ​ພລາ​ຊາ.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / ປ່ຽນ )

Twitter picture

You are commenting using your Twitter account. Log Out / ປ່ຽນ )

Facebook photo

You are commenting using your Facebook account. Log Out / ປ່ຽນ )

Google+ photo

You are commenting using your Google+ account. Log Out / ປ່ຽນ )

Connecting to %s