ລາວ​-ຈີນ ຮ່ວມ​ພັດທະນາການ​ຄ້າ​ ​ພາ​ເສດຖະກິດ​ເຕີບ​ໃຫຍ່​ຂະຫຍາຍຕົວ

“ປີນີ້ ເປັນປີຄົບຮອບ 50 ປີແຫ່ງການສ້າງຕັ້ງສາຍພົວພັນການທູດ ລະຫວ່າງ ສປ ຈີນ ກັບ ສປປ ລາວ. ສາຍສຳພັນມິດຕະພາບທີ່ເປັນມູນເຊື້ອນີ້ ໄດ້ຮັບການພັດທະນາຢ່າງບໍ່ຢຸດຢັ້ງ ໂດຍສະເພາະ ແມ່ນ ຊຸມປີຫຼັງມານີ້,  ການນຳຂັ້ນສູງຂອງທັງສອງປະເທດ ໄດ້ທຳການຢ້ຽມຢາມເຊິ່ງກັນ ແລະ ກັນຢ່າງຕໍ່ເນື່ອງ, ໄດ້ຮັດແໜ້ນການແລກປ່ຽນທາງດ້ານການເມືອງ, ເສດຖະກິດ, ວັດທະນະທຳ, ການສຶກສາ ແລະ ຂົງເຂດອື່ນໆໃຫ້ນັບມື້ນັບເພີ່ມຂຶ້ນໃນອັດຕາສູງ ແລະ ມີອະນາຄົດທີ່ສົດໃສ”

ທ່ານ ZHANG YUCHENG ທີ່ປຶກສາດ້ານເສດຖະກິດການຄ້າສະຖານທູດ ສປ ຈີນ ປະຈຳ ສປປ ລາວ ໄດ້ໃຫ້ກຽດຕອບສຳພາດ ວາລະສານ ທາເກັດເມື່ອບໍ່ດົນມານີ້ ກ່ຽວກັບບັນຍາກາດການລົງທຶນ ຂອງສອງປະເທດຕະຫຼອດໄລຍະ 50 ກວ່າປີ ແມ່ນພວມເບັ່ງບານ ແລະ ນຳເອົາຜົນປະໂຫຍດມາສູ່ປະ ຊາຊົນສອງຊາດ.

1. ສະພາບການຄ້າ ແລະ ການຮ່ວມມື ລາວ-ຈີນ ເປັນຄືແນວໃດ?

ປະເທດຈີນ ແລະ ລາວ ມີສາຍນ້ຳລຳເຊທີ່ຕິດຈອດກັນ, ປະຊາຊົນທັງສອງຊາດໄດ້ຢູ່ຮ່ວມກັນຢ່າງ ປອງດອງມາແຕ່ບູຮານນະການ. ໃນປີ 2009 ປະມຸກລັດຂອງທັງສອງປະເທດໄດ້ຕົກລົງເປັນເອກະ ພາບນຳກັນຍົກລະດັບສາຍພົວພັນຂອງທັງສອງປະເທດຂຶ້ນເປັນສາຍພົວພັນຄູ່ຮ່ວມມືຍຸດທະສາດ ຮອບດ້ານ ໂດຍພາຍໃຕ້ການເອົາໃຈໃສ່ຢ່າງຈົດຈໍ່ຂອງຜູ້ນຳ ແລະ ຄວາມພະຍາຍາມຮ່ວມກັນຂອງ ນັກທຸລະກິດຂອງທັງສອງປະເທດ, ການຮ່ວມມືດ້ານເສດຖະກິດ ແລະ ການຄ້າລະຫວ່າງສອງຝ່າຍໄດ້ມີ ການຂະຫຍາຍຕົວໄວຢ່າງບໍ່ເຄີຍມີມາກ່ອນ ແລະພວມກ້າວເຂົ້າສູ່ໄລຍະໃໝ່ທີ່ມີຊີວິດຊີວາ ແລະ ເກີດ ດອກອອກຜົນ.

ອີງຕາມສະຖິຕິຂອງຝ່າຍຈີນ, ໃນປີ 2010, ການຄ້າສອງຝ່າຍໄດ້ບັນລຸ 1 ຕື້ ກວ່າໂດລາສະຫະລັດ, ທຽບໃສ່ປີຜ່ານມາເພີ່ມຂຶ້ນ 40%. 6 ເດືອນຕົ້ນປີ 2011 ນີ້, ການຄ້າສອງຝ່າຍກໍ່ໄດ້ບັນລຸ 598 ລ້ານໂດລາ, ເພີ່ມຂຶ້ນ 5.5 %, ໃນນັ້ນ, ລາວນຳເຂົ້າຈາກຈີນ 190 ລ້ານໂດລາ, ຫຼຸດລົງ 32.9%, ລາວສົ່ງອອກໄປຈີນ 409 ລ້ານໂດລາ, ເພີ່ມຂຶ້ນ 43.6%. ການຮ່ວມມືດ້ານການລົງທຶນແບບຕ່າງຝ່າຍຕ່າງມີຜົນປະໂຫຍດໃນຂົງເຂດຕ່າງໆ ກໍ່ໄດ້ຮັບການພັດທະນາຢ່າງໜັກແໜ້ນ ແລະຂະຫຍາຍຕົວກວ້າງອອກຢ່າງບໍ່ຢຸດຢັ້ງ ເຊິ່ງໄດ້ກວມເອົາຂະແໜງການໂຄງລ່າງພື້ນຖານ, ໄຟຟ້ານ້ຳຕົກ, ບໍ່ແຮ່, ກະສິກຳ-ປ່າໄມ້ ແລະ ຂະແໜງການອື່ນໆ. ຕາມສະຖິຕິຝ່າຍຈີນ  ມາຮອດເດືອນ 6 ປີ 2011, ການລົງທຶນໂດຍກົງຂອງຈີນຢູ່ລາວໄດ້ບັນລຸ 969 ລ້ານໂດລາ, ໃນນັ້ນມີ 154 ລ້ານແມ່ນຕົວເລກເພີ່ມໃໝ່ຂອງ 6 ເດືອນຕົ້ນປີນີ້. ປະຈຸບັນ ປະເທດລາວກຳລັງກາຍເປັນເປົ້າໝາຍປາຍທາງທີ່ສຳຄັນອັນໜຶ່ງຂອງການລົງທຶນໂດຍ ກົງຂອງຈີນຢູ່ເຂດອາຊຽນ, ການຮ່ວມມືດ້ານເສດຖະກິດ-ການຄ້າ ລະຫວ່າງສອງຝ່າຍ ພວມເດີນໜ້າ ໄປຕາມທິດທາງທີ່ມີປະລິມານນັບມື້ນັບຫຼາຍກວ່າ ເກົ່າ, ມີຂອບເຂດນັບມື້ນັບກວ້າງຂວາງ ແລະມີລະ ດັບນັບມື້ນັບສູງກວ່າເກົ່າ.

2. ທ່ານຕີລາຄາແນວໃດ ຕໍ່ກັບນັກທຸລະກິດຈີນມາດຳເນີນທຸລະກິດຢູ່ ສປປ ລາວ?

ພວກຂ້າພະເຈົ້າຍິນດີທີ່ເຫັນວ່າ:  ນັກທຸລະກິດຈີນເຂົ້າມາລົງທຶນຢູ່ລາວນັບມື້ນັບຫຼາຍຂຶ້ນ ແລະ ໄດ້ຮັບຄວາມໄວ້ເນື້ອເຊື່ອໃຈ ແລະ ຄວາມຍ້ອງຍໍຊົມເຊີຍຈາກລັດຖະບານລາວແຕ່ລະຂັ້ນ  ດ້ວຍຄວາມ ສູ້ຊົນບຸກບືນ ແລະ ຄວາມເຊື່ອຖືອັນດີຂອງຕົວເອງ, ທັງໄດ້ສ້າງຄວາມຮັກແພງ ແລະມິດຕະພາບອັນເລິກ ເຊິ່ງກັບປະຊາຊົນລາວບັນດາເຜົ່າ, ໄດ້ປະກອບສ່ວນອັນຕັ້ງໜ້າເຂົ້າໃນພາລະກິດພັດທະນາເສດຖະກິດ -ສັງຄົມຂອງທ້ອງຖິ່ນ ໂດຍສະເພາະ ແມ່ນເພີ່ມພູນຄູນສ້າງລາຍຮັບງົບປະມານໃຫ້ລັດ, ສ້າງວຽກເຮັດ ງານທຳໃຫ້ແກ່ປະຊາຊົນ ແລະປັບປຸງຊີວິດການເປັນຢູ່ຂອງປະຊາຊົນໃຫ້ນັບມື້ນັບດີຂຶ້ນກວ່າເກົ່າ. ຍົກ ຕົວຢ່າງເຊັ່ນ: ບໍລິສັດໄຟຟ້ານ້ຳຕົກເລກ 3 ກວາງຕົ້ງຮັບເໝົາໂຄງການກໍ່ສ້າງຖະໜົນ ເລກ 2 (ຖະໜົນ ໄກສອນ ພົມວິຫານ) ນະຄອນຫຼວງວຽງຈັນ ເຊິ່ງໄດ້ຮັບຫຼຽນໄຊແຮງງານຊັ້ນ 1 ຈາກລັດຖະບານລາວ ແລະ ສາມາດຮັບປະກັນໜ້າທາງມີຄຸນນະພາບດີໄວ້ໄດ້ 10 ກວ່າປີ; ບໍລິສັດກໍ່ສ້າງ ຢູນນານ ຮັບເໝົາ ໂຄງການສ້າງສະໜາມກິລາຊີເກມ  ເຊິ່ງເປັນການຄ້ຳປະກັນອັນສຳຄັນດ້ານໂຄງລ່າງພື້ນຖານໃຫ້ແກ່ ລັດຖະບານລາວໃນການຈັດງານມະຫາກຳກິລາຊີເກມຄັ້ງທີ 25 ຢ່າງປະສົບຜົນສຳເລັດ;  ບໍລິສັດ  CWE ຮັບເໝົາໂຄງການກໍ່ສ້າງເຂື່ອນໄຟຟ້ານ້ຳຕົກນ້ຳມັງ 3 ເຊິ່ງໄດ້ກາຍເປັນໂຄງການແບບຢ່າງລະດັບຊາດ ທີ່ສາມາດນຳໃຊ້ໄດ້ທັງຜົນປະໂຫຍດ ແລະ ຊົນລະປະທານ; ບໍລິສັດ MMG ທີ່ບໍລິສັດ MINMETALS GROUP ເກັບຊື້ມານັ້ນໄດ້ລົງທຶນໂຄງການບໍ່ຄຳ ແລະທອງແດງເຊໂປນ ເຊິ່ງແຕ່ລະປີໄດ້ເສຍພັນທະ ໃຫ້ລັດຖະບານລາວຫຼາຍກວ່າ 100  ລ້ານໂດລາສະຫະລັດ ແລະສ້າງວຽກເຮັດງານທຳໃຫ້ປະຊາຊົນປະ ມານ 5000 ຄົນ.

ນອກຈາກນີ້, ບໍລິສັດຈີນຍັງໄດ້ເປັນເຈົ້າການໃນການປະຕິບັດພັນທະສັງຄົມຂອງຕົນ ເອງ, ເຊັ່ນ: ໄດ້ຕິດຕັ້ງໄຟຟ້າ, ນ້ຳປະປາ, ສ້າງທາງ,ສ້າງໂຮງຮຽນ ແລະບໍລິຈາກວັດຖຸອຸປະກອນຕ່າງໆ ໃຫ້ແກ່ທ້ອງຖິ່ນ, ໄດ້ນຳເອົາຜົນປະໂຫຍດອັນແທ້ຈິງມາສູ່ປະຊາຊົນຂອງທ້ອງຖິ່ນ. ຜ່ານພຶດຕິກຳຕົວຈິງ ໄດ້ຢັ້ງຢືນໃຫ້ຮູ້ວ່າ: ບໍລິສັດຈີນ ໄດ້ຕອບສະໜອງຄວາມຕ້ອງການທາງດ້ານທຶນຮອນໃຫ້ແກ່ການ ສ້າງສາພັດທະນາຂອງປະເທດລາວ ໂດຍຜ່ານການລະດົມສິນເຊື່ອ; ໄດ້ຊ່ວຍປະເທດລາວນຳເອົາທ່າ ແຮງດ້ານຊັບພະຍາກອນຫັນເປັນກຳລັງແຮງພັດທະນາປະເທດ ໂດຍຜ່ານການຮ່ວມມື ການລົງທຶນ ໃນຂົງເຂດຊັບພະຍາກອນ; ໄດ້ປັບປຸງຍົກລະດັບຊີວິດການເປັນຢູ່ຂອງປະຊາຊົນ ແລະເງື່ອນໄຂການ ຜະລິດຂອງທ້ອງຖິ່ນໂດຍຜ່ານການຮ່ວມມືດ້ານໂຄງລ່າງພື້ນຖານ; ໄດ້ຝຶກອົບຮົມຊັບພະຍາກອນມະນຸດ ຢ່າງຫຼວງຫຼາຍ ແລະສ້າງວຽກເຮັດງານທຳໃຫ້ແກ່ທ້ອງຖິ່ນ ໂດຍຜ່ານການບໍລິຫານທຸລະກິດແບບນຳ ໃຊ້ຄົນທ້ອງຖິ່ນ. ສະຫຼຸບໄດ້ວ່າ  ບໍລິສັດຈີນເຂົ້າມາລົງທຶນຢູ່ລາວໄດ້ສ້າງຜົນປະໂຫຍດອັນແທ້ຈິງມາໃຫ້ ແກ່ປະຊາຊົນທັງສອງຊາດ, ໄດ້ຊຸກຍູ້ໃຫ້ເສດຖະກິດ-ສັງຄົມຂອງທັງສອງປະເທດຮັບການພັດທະນາ.

3. ທ່ານມີຄວາມເຫັນແນວໃດຕໍ່ກັບບັນຍາກາດ  ແລະສະພາບແວດລ້ອມດ້ານການດຶງດູດການລົງທຶນ ຢູ່ ສປປ ລາວ?

ພວກຂ້າພະເຈົ້າຍັງມີຄວາມຍິນດີທີ່ໄດ້ເຫັນວ່າ ພັກ ແລະ ລັດຖະບານລາວໄດ້ຢຶດໝັ້ນມູນເຊື້ອ ທີ່ເປັນມິດກັບຈີນຕະຫຼອດມາ, ໄດ້ຖືຄວາມສຳຄັນແລະສົ່ງເສີມການລົງທຶນຂອງນັກທຸລະກິດຈີນ, ໄດ້ ເຄົາລົບນັບຖືສິດຜົນປະໂຫຍດອັນຊອບທຳຂອງນັກທຸລະກິດຈີນຢູ່ລາວ ໄດ້ເອົາໃຈໃສ່ແກ້ໄຂບັນຫາ ຕ່າງໆທີ່ເກີດຂຶ້ນໃນການຮ່ວມມືຂອງສອງຝ່າຍ ໄດ້ສ້າງສະພາບແວດລ້ອມທາງດ້ານກົດໝາຍ, ກົດລະ ບຽບ, ນະໂຍບາຍ ກໍ່ຄືດ້ານສັງຄົມອັນດີ ເຊິ່ງລ້ວນແຕ່ເປັນການສ້າງຄວາມໝັ້ນໃຈໃຫ້ແກ່ນັກທຸລະກິດຈີນ ທີ່ມາລົງທຶນຢູ່ລາວ.

4. ທ່ານເຫັນວ່າລັດຖະບານຂອງທັງສອງປະເທດມີທັດສະນະທ່າທີແນວໃດ ຕໍ່ກັບການຮ່ວມມືສອງຝ່າຍ?

ໃນຂະບວນການສ້າງສາພັດທະນາປະເທດຊາດຂອງລາວ,  ລັດຖະບານຈີນ ກໍ່ໄດ້ໃຫ້ການສະ ໜັບສະໜູນດ້ານທຶນຮອນແກ່ຝ່າຍລາວເພື່ອປະຕິບັດໂຄງການຈຳນວນໜຶ່ງຂອງລາວ ໂດຍອີງຕາມ ຄວາມອາດສາມາດຂອງຕົນ, ໃນນັ້ນ; ມີໂຄງການຊ່ວຍເຫຼືອລ້າຈຳນວນໜຶ່ງ, ເຊັ່ນ: ໂຄງການສ້າງຫໍ ວັດທະນະທຳແຫ່ງຊາດລາວ, ໂຄງການສ້າງໂຮງໝໍຫຼວງພະບາງ, ໂຄງການສ້າງເສັ້ນທາງ R3 (ສ່ວນໜຶ່ງ), ໂຄງການສ້າງເສັ້ນທາງ ນາເຕີຍປາກມອງ (ຕອນເໜືອ), ສູນສາທິດກະສິກຳພາກເໜືອ ແລະຍັງມີບາງໂຄງການທີ່ນຳໃຊ້ເງິນກູ້ພິເສດຈຳ ນວນໜຶ່ງ, ເຊັ່ນ: ໂຄງການ  E-GOVERNMENT ໄລຍະ I ໄລຍະ II, ໂຄງການສູນບັນຊາໄຟຟ້າ ແລະໂຄງການອື່ນໆ. ນອກຈາກນີ້, ລັດຖະບານຈີນຍັງຈະສະໜັບສະໜູນຢ່າງແຂງແຮງຕໍ່ກັບລັດຖະບານລາວຈັດກອງປະຊຸມອາຊີ-ເອີລົບໃນປີ 2012 ແລະ ຍັງໄດ້ຊ່ວຍຝຶກອົບຮົມພະນັກງານ ແລະ ວິຊາການຕ່າງໆຂອງລັດຖະບານລາວຈຳນວນຫຼວງຫຼາຍ ເຊິ່ງວ່າໂຄງການດັ່ງກ່າວນີ້ ລ້ວນແຕ່ໄດ້ມີບົດບາດອັນສຳຄັນໃນການສ້າງສາພັດທະນາປະເທດລາວ ແລະໄດ້ຮັດແໜ້ນສາຍພົວພັນມິດຕະພາບລະຫວ່າງປະຊາຊົນຂອງສອງປະເທດໃຫ້ນັບມື້ນັບແໜ້ນ ແຟ້ນຂຶ້ນຕື່ມ.

ປະເທດຈີນ ແລະ ລາວ ພວມສ້າງສາພັດທະນາສັງຄົມນິຍົມ, ສົ່ງເສີມການເປີດກວ້າງຕໍ່ພາຍນອກ ແລະການປ່ຽນແປງໃໝ່ເພື່ອຊອກຫາເສັ້ນທາງພັດທະນາທີ່ສອດຄ່ອງກັບສະພາບຕົວຈິງຂອງຕົນເອງ, ພວມທຸ່ມເຫື່ອເທແຮງເຂົ້າໃນການພັດທະນາເສດຖະກິດແຫ່ງຊາດໃຫ້ຂະຫຍາຍຕົວວ່ອງໄວ ແລະ ໝັ້ນທ່ຽງ, ພວມຮ່ວມກັນຊຸກຍູ້ການຮ່ວມມືສອງຝ່າຍໃຫ້ມີການພັດທະນາຢ່າງຄ່ອງຕົວ, ໝັ້ນທ່ຽງ ແລະ ວ່ອງໄວ ຖານບ້ານໃກ້ເຮືອນຄຽງທີ່ມີຊາຍແດນຕິດຈອດກັນເປັນໄລຍະ 500 ກວ່າກິໂລແມັດ. ປະເທດ ຈີນມີຕະຫຼາດໃຫຍ່, ມີທ່າແຮງດ້ານທຶນຮອນ ແລະ ວິທະຍາສາດ-ເຕັກນິກ;  ປະເທດລາວມີຊັບພະຍາ ກອນທີ່ອຸດົມສົມບູນ, ຕົ້ນທຶນດ້ານຄ່າແຮງງານເໝາະສົມກັບການຜະລິດ.

ການຮັດແໜ້ນສາຍພົວພັນຮ່ວມ ມືລະຫວ່າງຈີນ-ລາວ ສາມາດສົ່ງເສີມທ່າແຮງເຊິ່ງກັນ ແລະກັນ ແລະຊຸກຍູ້ການພັດທະນາໃຫ້ກັນ ແລະ ກັນ, ພວກຂ້າພະເຈົ້າເຊື່ອໝັ້ນວ່າທັງສອງຝ່າຍຈີນ-ລາວຍ່ອມຈະຖືເອົາໂອກາດຄົບຮອບ 50 ປີ ແຫ່ງ ການສ້າງສາຍພົວພັນການທູດຂອງປີນີ້ ຮ່ວມຈິດຮ່ວມໃຈກັນຊອກຫາຮູບແບບຮ່ວມມືແບບໃໝ່ ແລະ ຂະຫຍາຍຂອບເຂດການຮ່ວມມືໃຫ້ກວ້າງອອກເພື່ອຊຸກຍູ້ການຮ່ວມທຶນດ້ານເສດຖະກິດການຄ້າລະຫວ່າງ ສອງຝ່າຍໃຫ້ເກີດດອກອອກຜົນຍິ່ງໆຂຶ້ນໃນອະ ນາຄົດ. 5.  ທ່ານມີຄວາມປະທັບໃຈແນວໃດ ຕໍ່ກັບເມືອງລາວແລະຢາກຝາກຫຍັງບໍ່ ຕໍ່ນັກທຸລະກິດຈີນຢູ່ລາວ?

ທ່ານ ZHANG YUCHENG ໄດ້ກ່າວມ້ວນທ້າຍຕື່ມວ່າ: ຂ້າພະເຈົ້າຂໍຖືເອົາໂອກາດນີ້ ໂດຍຜ່ານ ທາງວາລະສານຝາກຄວາມຢື້ຢາມຖາມຂ່າວເຖິງພີ່ນ້ອງປະຊາຊົນລາວ. ຕະຫຼອດໄລຍະປີກວ່າທີ່ຂ້າ ພະເຈົ້າມາເຮັດວຽກຢູ່ປະເທດລາວ ຂ້າພະເຈົ້າມີຄວາມຮູ້ສຶກປະທັບໃຈຫຼາຍ ປະເທດລາວເປັນປະ ເທດທີ່ສວຍງາມ; ປະຊາຊົນລາວເປັນຄົນມີນຳ້ໃຈ; ປະເທດລາວອຸດົມສົມບູນໄປດ້ວຍຊັບພະຍາກອນ ທຳມະຊາດ ເຊິ່ງໄດ້ເປັນສ່ວນໜຶ່ງເຮັດໃຫ້ປະເທດລາວມີກຳລັງບົ່ມຊ້ອນການຮ່ວມມື ແລະການລົງທຶນ ຂອງຕ່າງປະເທດ.

ໃນໄລຍະທີ່ຂ້າພະເຈົ້າເຮັດວຽກຢູ່ລາວ ຂ້າພະເຈົ້າເຫັນໄດ້ວ່າ ລັດຖະບານ ສປປ ລາວ ແມ່ນໄດ້ມີ ການເປີດກວ້າງການຮ່ວມມືກັບຕ່າງປະເທດ ພ້ອມທັງໄດ້ມີການປັບປຸງກົດໝາຍຫຼາຍສະບັບ ເພື່ອເປັນ ການເປີດໂອກາດໃຫ້ນັກລົງທຶນຕ່າງປະເທດເຂົ້າມາລົງທຶນນັບມື້ນັບກວ້າງຂວາງ.

ໂດຍສະເພາະກັບ ສປຈີນ ທັງສອງຝ່າຍແມ່ນໄດ້ເພີ່ມທະວີການຮ່ວມມື ແລະການແລກປ່ຽນບົດ ຮຽນເພື່ອສົ່ງເສີມການຮ່ວມມື ແລະຮ່ວມແກ້ໄຂບັນຫາທີ່ຄົງຄ້າງ ເຊິ່ງສິ່ງດັ່ງກ່າວມັນໄດ້ເຮັດໃຫ້ນັກລົງ ທຶນຈາກ ສປ ຈີນ ມີຄວາມໝັ້ນໃຈຕໍ່ການມາລົງທຶນໃນ ສປປ ລາວ ເຊິ່ງໄດ້ສະແດງໃຫ້ເຫັນວ່າ ຜ່ານມາ ນັກລົງທຶນຈາກຈີນມາລົງທຶນໃນລາວນັບມື້ນັບຫຼາຍຂຶ້ນ ແລະມີຫຼາຍຂະແໜງການ.

ໃນຖານະທີ່ພວກເຮົາເປັນທູດການຄ້າ ໃນໄລຍະຜ່ານມາ ພວກເຮົາບໍ່ໄດ້ພຽງແຕ່ລະດົມ ແລະສົ່ງ ເສີມໃຫ້ນັກທຸລະກິດມາລົງທຶນເທົ່ານັ້ນ ແຕ່ພວກເຮົາຍັງໄດ້ເອົາໃຈໃສ່ໃຫ້ນັກທຸລະກິດດັ່ງກ່າວປະຕິບັດ 4 ຂໍ້ຄື:

1. ຕ້ອງເຄົາລົບນັບຖືກົດໝາຍຂອງ ສປປ ລາວ.

2. ເຄົາລົບນັບຖືປະເພນີທ້ອງຖິ່ນ.

3. ປັບຕົວເຂົ້າກັບທ້ອງຖິ່ນ ແລະມີສ່ວນປະກອບໃຫ້ກັບທ້ອງຖິ່ນມີການຕອບແທນແກ່ສັງຄົມ ແລະ ທ້ອງຖິ່ນ.

4. ຮັກສາສະພາບແວດລ້ອມ ເພື່ອຮັກສາການພັດ ທະນາແບບຍືນຍົງຕ່າງຝ່າຍຕ່າງໄດ້ຮັບຜົນປະໂຫຍດ.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / ປ່ຽນ )

Twitter picture

You are commenting using your Twitter account. Log Out / ປ່ຽນ )

Facebook photo

You are commenting using your Facebook account. Log Out / ປ່ຽນ )

Google+ photo

You are commenting using your Google+ account. Log Out / ປ່ຽນ )

Connecting to %s