ການແບ່ງຂັ້ນຄຸ້ມຄອງຈັດຕັ້ງປະຕິບັດ ດຳລັດເລກທີ 287/ນຍ
12.8 ໃຫ້ຄົ້ນຄວ້າສ້າງ ແລະ ປັບປຸງກົນໄກລະບຽບການຄຸ້ມຄອງ 3 ຂະແໜງສາຍຕັ້ງໃຫ້ມີຄວາມເໝາະສົມ, ຮັດກຸມ ແລະ ສະດວກໃນການຄຸ້ມຄອງ, ບ່ອນໃດມີເງື່ອນໄຂເອື້ອອຳນວຍແມ່ນໃຫ້ສ້າງລະບົບຄຸ້ມຄອງລົງເຖິງຂັ້ນເມືອງ ເປັນຕົ້ນ ຢູ່ນະຄອນຫຼວງວຽງຈັນ ແລະ ບັນດາຕົວເມືອງໃຫຍ່ອື່ນໆ.
12.9 ປະສານສົມທົບກັບອຳນາດການປົກຄອງທ້ອງຖິ່ນ (ແຂວງ, ເມືອງ, ບ້ານ) ແບ່ງຄວາມຮັບຜິດຊອບເພື່ອຈັດເກັບອາກອນທີ່ດິນ ໂດຍໃຫ້ມີກົນໄກທີ່ຈະແຈ້ງ ແລະ ສ້າງຂໍ້ມູນສະຖິຕິ ເພື່ອເປັນພື້ນຖານໃຫ້ແກ່ການເກັບລາຍຮັບຈາກທີ່ດິນ.
12.10 ດ້ານລາຍຈ່າຍ: ຄຸ້ມຄອງການຈັດຕັ້ງປະຕິບັດລາຍຈ່າຍທີ່ສະພາແຫ່ງຊາດໄດ້ຮັບຮອງໃຫ້ຖືກຕ້ອງໂດຍໃຫ້ສຸມໃສ່ບາງວຽກດັ່ງນີ້:
– ການຈັດຕັ້ງປະຕິບັດລາຍຈ່າຍຕ້ອງໄປຕາມແຜນພັດທະນາເສດຖະກິດ-ສັງຄົມ ແລະ ແຜນງົບປະມານແຫ່ງລັດ ທີ່ສະພາແຫ່ງຊາດໄດ້ຮັບຮອງເອົາແລ້ວນັ້ນ ເພື່ອຮັບປະກັນການກະຕຸ້ນເສດຖະກິດ ແລະ ການຜະລິດສິນຄ້າໃຫ້ມີທ່ວງທ່າດີຂຶ້ນ.
– ການປະຕິບັດລາຍຈ່າຍຕ້ອງປະຕິບັດຕາມລະບຽບການເງິນ, ຕາມນະໂຍບາຍລາຍຈ່າຍແບບຮັດກຸມ, ປະຢັດມັດທະຍັດ ແລະ ເຂັ້ມງວດໃນການປະຕິບັດວິໄນການເງິນ.
– ເປັນເຈົ້າການໃນການຄຸ້ມຄອງ ແລະ ຊີ້ນຳການຈັດຕັ້ງປະຕິບັດລາຍຈ່າຍງົບປະມານຕົວຈິງທີ່ຂຶ້ນກັບຕົນຮັບຜິດຊອບ ໃຫ້ໄປຕາມແຜນບູລິມະສິດຂອງລັດຖະບານ ແລະ ໄປຕາມໂຄງປະກອບແຜນລາຍຈ່າຍທີ່ສະພາແຫ່ງຊາດຮັບຮອງ. ບໍ່ໃຫ້ຈ່າຍນອກແຜນ ຫຼື ເກີນແຜນໂດຍເດັດຂາດ.
12.11 ສຳລັບການນຳໃຊ້ເງິນເກີນແຜນ ບ້ວງຂອງແຂວງສົກປີ 2010-2011 ລັດຖະບານອະນຸຍາດໃຫ້ບັນ ດາແຂວງ ສ້າງແຜນລາຍຈ່າຍບ້ວງເງິນດັ່ງກ່າວບໍ່ໃຫ້ເກີນ 70% ຂອງລາຍຮັບບ້ວງເງິນເກີນແຜນທັງໝົດ ພາຍຫຼັງກວດກາ 00 ໂມງສຳເລັດ, ສ່ວນທີ່ເຫຼືອ 30% ແມ່ນຈະອະນຸຍາດໃຫ້ຈ່າຍພາຍຫຼັງກວດກາຂາດຕົວສຳເລັດກ່ອນຈະນຳໃຊ້. ເປົ້າໝາຍການຈ່າຍນັ້ນໃຫ້ນຳໃຊ້ເຂົ້າໃນວຽກງານແກ້ໄຂໄພພິບັດທີ່ເກີດຂຶ້ນຈາກທຳມະຊາດ, ຊຳລະໜີ້ບັນດາໂຄງການລົງທຶນຂອງລັດພາຍໃນແຂວງຂອງຕົນ. ຂັ້ນຕອນການສະເໜີຂໍນຳໃຊ້ທຶນດັ່ງກ່າວນີ້ ໃຫ້ບັນດາແຂວງ ແລະ ນະຄອນຫຼວງວຽງຈັນ ນຳສະເໜີແຜນໃຊ້ຈ່າຍເຖິງກະຊວງການເງິນ, ພາຍຫຼັງກະຊວງການເງິນກວດກາຖືກຕ້ອງແລ້ວ ໃຫ້ສະເໜີທຶນທີ່ຈະນຳໃຊ້ເຂົ້າໃນການລົງທຶນຂອງລັດເຖິງກະຊວງແຜນການ ແລະ ການລົງທຶນ ເພື່ອຄົ້ນຄວ້າສັງລວມສະເໜີຂໍອະນຸມັດຈາກລັດຖະບານ, ສ່ວນກະ ຊວງການເງິນຈະຄົ້ນຄວ້າສັງລວມທຶນທີ່ຈະນຳໃຊ້ເຂົ້າໃນເປົ້າໝາຍອື່ນໆ ເພື່ອສະເໜີຂໍອະນຸມັດຈາກລັດຖະ ບານ, ລັດຖະບານຈະສະເໜີແຜນນຳໃຊ້ເງິນເກີນແຜນຕໍ່ສະພາແຫ່ງຊາດ ເພື່ອພິຈາລະນາອະນຸມັດຕາມລະບຽບການ.
12.12 ການແກ້ໄຂເຫດການສຸກເສີນທີ່ເກີດຈາກໄພພິບັດທຳມະຊາດ ເຊັ່ນ: ໄຟໄໝ້, ນ້ຳຖ້ວມ, ລົມພະຍຸ, ໂລກລະບາດ ແລະ ວຽກງານປ້ອງກັນຊາດ, ປ້ອງກັນຄວາມສະຫງົບ ໂດຍຫຼັກການແມ່ນນຳໃຊ້ເງິນແຮລັດ ຖະບານ, ເງິນແຮຂອງແຂວງ ແລະ ຄັງສະສົມແຫ່ງລັດ.
12.13. ໃນໄລຍະຕົ້ນປີທີ່ລາຍຮັບງົບປະມານບໍ່ທັນຮັບປະກັນໃຫ້ແກ່ການປະຕິບັດລາຍຈ່າຍໄດ້ນັ້ນ ໃຫ້ກະ ຊວງການເງິນມີສິດຢືມລ່ວງໜ້ານຳທະນາຄານແຫ່ງ ສປປ ລາວ ໃນວົງເງິນບໍ່ກາຍງົບປະມານງວດ I, ແຕ່ຕ້ອງມີກົນໄກສຳລະສະສາງຄືນໃຫ້ທະນາຄານພາຍໃນສົກງົບປະມານນັ້ນ ເພື່ອຮັບປະກັນໃຫ້ແກ່ການຮັກສາສະເຖຍລະພາບທາງດ້ານການເງິນແຫ່ງຊາດ ຕາມທີ່ເຄີຍປະຕິບັດຜ່ານມາ.
12.14 ໃຫ້ກະຊວງການເງິນສົມທົບກັບບັນດາຂະແໜງການທີ່ກ່ຽວຂ້ອງ, ຄຸ້ມຄອງການນຳໃຊ້ແຫຼ່ງເງິນກູ້ຢືມ ແລະ ຊ່ວຍເຫຼືອລ້າຈາກຕ່າງປະເທດທີ່ບໍ່ມີເງື່ອນໄຂຜູກມັດ, ດອກເບ້ຍຕ່ຳ,ໄລຍະກູ້ຢືມຍາວ ເພື່ອປະ ຕິບັດໂຄງການພັດທະນາທີ່ເປັນບູລິມະສິດຂອງລັດຖະບານຢ່າງມີປະສິດທິຜົນ.
(ຈົບ)