ສີ່ງທີ່ຄວນຮູ້

ກອງປະຊຸມສະໄໝສາມັນເທື່ອທີ 2 ຂອງສະພາແຫ່ງຊາດ ຊຸດທີ VII ໄຂຂຶ້ນຢ່າງເປັນທາງການ
ວັນທີ 08 ທັນວາ 2011 – ເວລາ 11:32:40 ສົ່ງຂ່າວນີ້ໃຫ້ເພື່ອນ ພິມຂ່າວນີ້ Share
Divider

ກອງ​ປະ­ຊຸມ​ສະ­ໄໝ​ສາ­ມັນ​ເທື່ອ​ທີ 2 ຂອງ​ສະ­ພາ​ແຫ່ງ​ຊາດ ຊຸດ​ທີ VII ໄດ້​ໄຂ​ຂື້ນ​ຢ່າງ​ເປັນ​ທາງ​ການ ໃນ​ວັນ​ທີ 7 ທັນ­ວາ 2011 ທີ່​ສະ­ພາ​ແຫ່ງ​ຊາດ ໂດຍ​ເປັນ​ກຽດ​ເຂົ້າ​ຮ່ວມ​ຂອງ​ພະ­ນະ​ທ່ານ ຈູມ​ມາ­ລີ ໄຊ​ຍະ​ສອນ ເລ­ຂາ­ທິ­ການ​ໃຫຍ່​ຄະ­ນະ​ບໍ­ລິ­ຫານ​ງານ​ສູນ​ກາງ​ພັກ ປະ­ທານ​ປະ­ເທດ ແຫ່ງ ສປປ ລາວ ຊຶ່ງ​ມີ​ບັນ­ດາ​ກຳ­ມະ­ການ​ກົມ​ການ­ເມືອງ ຄະ­ນະ​ເລ­ຂາ­ທິ­ການ​ສູນ​ກາງ​ພັກ ບັນ­ດາ​ສະ­ມາ­ຊິກ​ສະ­ພາ​ແຫ່ງ​ຊາດ ແລະ ແຂກ​ຖືກ​ເຊີນ.

ທ່ານ​ນາງ ປາ­ນີ ຢາ​ທໍ່​ຕູ້ ປະ­ທານ​ສະ­ພາ​ແຫ່ງ​ຊາດ ໄດ້​ຂື້ນ​ກ່າວ​ໄຂ​ກອງ​ປະ­ຊຸມ​ຄັ້ງ​ນີ້ ຊຶ່ງ​ບາງ​ຕອນ​ທ່ານ​ໄດ້​ກ່າວ​ວ່າ: 2011 ເປັນ​ປີ​ທຳ​ອິດ​ແຫ່ງ​ການ­ຈັດ­ຕັ້ງ​ປະ­ຕິ­ບັດ​ມະ­ຕິ​ກອງ​ປະ­ຊຸມ​ໃຫຍ່​ຄັ້ງ​ທີ IX ຂອງ​ພັກ ກໍ​ຄື​ແຜນ​ພັດ­ທະ­ນາ​ເສດ­ຖະ­ກິດ-ສັງ­ຄົມ 5 ປີ ຄັ້ງ​ທີ VII ຊຶ່ງ ພັກ-ລັດ ເອົາ­ໃຈ­ໃສ່​ຊີ້​ນຳ​ຢ່າງ​ໃກ້­ຊິດ­ຕິດ­ແທດ ແລະ ດ້ວຍ​ຄວາມ​ສູ້​ຊົນ​ບຸກ​ບືນ​ດ້ານ​ລະ­ບົບ​ການ­ເມືອງ​ຂອງ​ບັນ­ດາ​ຂະ­ແໜງ­ການ ອຳ­ນາດ​ການ​ປົກ­ຄອງ​ທ້ອງ­ຖິ່ນ​ທຸກ​ຂັ້ນ ກໍ​ຄື​ບັນ­ດາ​ພາກ­ສ່ວນ​ເສດ­ຖະ­ກິດ-ສັງ­ຄົມ ແລະ ປະ­ຊາ­ຊົນ​ບັນ­ດາ­ເຜົ່າ​ພວກ​ເຮົາ ສາ­ມາດ​ຜ່ານ​ຜ່າ​ຂໍ້​ຫຍຸ້ງ­ຍາກ ແລະ ສິ່ງ​ທ້າ​ທາຍ​ຕ່າງໆ ຊຶ່ງ​ໄດ້​ຮັບ​ຜົນ​ກະ­ທົບ​ຈາກ​ພາຍ​ນອກ ແລະ ສິ່ງ​ທີ່​ເກີດ​ຂຶ້ນ​ຢູ່​ພາຍ​ໃນ​ປະ­ເທດ ເຊັ່ນ: ໄພ­ພິ­ບັດ​ທຳ​ມະ​ຊາດ ການ​ເພີ່ມ​ຂຶ້ນ​ຂອງ​ລາ­ຄາ​ສິນ­ຄ້າ-ອື່ນໆ ແລະ ກໍ​ສາ­ມາດ​ບັນ­ລຸ​ຜົນ­ສຳ­ເລັດ​ໄດ້​ໃນ​ຫຼາຍ​ດ້ານ ບໍ່​ວ່າ​ຈະ​ເປັນ​ການ​ພັດ­ທະ­ນາ​ເສດ­ຖະ­ກິດ-ສັງ­ຄົມ ການ​ສືບ­ຕໍ່​ຮັກ­ສາ​ສະ­ຖຽນ​ລະ​ພາບ​ທາງ​ດ້ານ​ການ­ເມືອງ ແລະ ຄວາມ​ສະ­ຫງົບ ເປັນ​ລະ­ບຽບ​ຮຽບ​ຮ້ອຍ​ທາງ​ດ້ານ​ສັງ­ຄົມ​ໂດຍ​ພື້ນ­ຖານ ແລະ ການ​ຍົກ​ສູງ​ຊີ­ວິດ​ການ​ເປັນ​ຢູ່​ຂອງ​ປະ­ຊາ­ຊົນ​ບັນ­ດາ­ເຜົ່າ​ໄດ້​ຮັບ​ການ​ ປັບ­ປຸງ​ໃຫ້​ດີ​ຂຶ້ນ​ເທື່ອ​ລະ​ກ້າວ ພ້ອມ​ທັງ​ເປີດ​ກ້ວ​າງ​ການ​ພົວ­ພັນ​ຮ່ວມ​ມື​ກັບ​ບັນ­ດາ​ປະ­ເທດ​ພາກ​ພື້ນ ແລະ ໃນ​ໂລກ ອັນ​ເປັນ​ການ​ເຊີດ​ຊູ​ບົດ­ບາດ​ອິດ​ທິ​ພົນ​ຂອງ ສປປ ລາວ ໃນ​ເວ­ທີ​ສາ­ກົນ​ນັບ​ມື້​ສູງ​ຂຶ້ນ ແຕ່​ຄຽງ​ຄູ່​ກັນ​ນັ້ນ ພວກ​ເຮົາ​ຕ້ອງ​ຮັບ​ຮູ້​ຄວາມ​ເປັນ​ຈິງ  ຕີ​ລາ­ຄາ​ຢ່າງ​ຖືກ­ຕ້ອງ ແລະ ພາ­ວະ​ວິ​ໃສ​ວ່າ ພວກ​ເຮົາ​ຍັງ​ມີ​ຂໍ້​ຫຍຸ້ງ­ຍາກ ແລະ ຂໍ້­ຄົງ­ຄ້າງ ອັນ​ເນື່ອງ​ມາ​ຈາກ​ຂອດ​ຂອງ​ການ​ຄຸ້ມ​ຄອງ​ລັດ ຄຸ້ມ​ຄອງ​ເສດ­ຖະ­ກິດ-ສັງ­ຄົມ ການ​ບໍ­ລິ­ຫານ​ຂອງ​ລະ­ບົບ​ອຳ­ນາດ​ລັດ​ຍັງ​ບໍ່​ທັນ​ດີ ແລະ ເຂັ້ມ​ງວດ​ເທົ່າ​ທີ​ຄວນ ເປັນ­ຕົ້ນ​ແມ່ນ​ການ​ສໍ້​ລາດ​ບັງ​ຫຼວງ ການ​ຄ້າ­ຂາຍ​ຜິດ​ກົດ­ໝາຍ ອຸ­ປະ­ຕິ­ເຫດ​ຕາມ​ທ້ອງ​ຖະ­ໜົນ ແລະ ການ​ແກ້​ໄຂ​ປະ­ກົດ​ການ​ຫຍໍ້­ທໍ້ ຍັງ​ເປັນ​ສິ່ງ​ທ້າ​ທາຍ​ຕໍ່​ສັງ­ຄົມ​ພວກ​ເຮົາ ການ​ປະ­ສານ​ສົມ­ທົບ​ລະ​ຫວ່ງ​ອົງ­ການ​ອຳ­ນາດ​ລັດ​ຂັ້ນ​ຕ່າງໆ.

ກອງ​ປະ­ຊຸມ​ຄັ້ງ​ນີ້ ຈະ​ໄດ້​ສຸມ​ໃສ່​ຄົ້ນ​ຄ້ວ​າ​ພິ­ຈາ­ລະ­ນາ ແລະ ຕົກ­ລົງ​ບາງ​ບັນ­ຫາ​ທີ່​ສຳ­ຄັນ ເຊັ່ນ: ພິ­ຈາ­ລະ­ນາ​ບົດ​ລາຍ​ງານ​ຂອງ​ອົງ­ການ​ກວດ​ສອບ​ແຫ່ງ​ລັດ ກ່ຽວ​ກັບ​ບົດ​ສະ­ຫຼຸບ​ຂາດ​ຕົວ​ໃນ​ການ­ຈັດ­ຕັ້ງ​ປະ­ຕິ­ບັດ​ແຜນ​ງົບ­ປະ­ມານ​ ແຫ່ງ​ລັດ ສົກ​ປີ 2009-2010 ພິ­ຈາ­ລະ­ນາ​ບົດ​ລາຍ​ງານ​ຂອງ​ລັດ­ຖະ­ບານ ກ່ຽວ​ກັບ​ການ­ຈັດ­ຕັ້ງ​ປະ­ຕິ­ບັດ​ມາດ​ຕະ­ການ​ໃນ​ການ​ແກ້​ໄຂ​ຜົນ​ກະ­ທົບ​ຈາກ​ ໄພ​ນ້ຳ​ຖ້ວມ ແລະ ການ​ຊຸກ­ຍູ້​ການ​ຜະ­ລິດ​ລະ­ດູ­ແລ້ງ ຮັບ​ຟັງ​ການ​ລາຍ​ງານ​ຂອງ​ລັດ­ຖະ­ບານ​ກ່ຽວ​ກັບ​ຍຸດ​ທະ​ສາດ​ການ​ປະ­ຕິ​ຮູບ​ການ ​ສຶກ​ສາ ໃນ​ໄລ­ຍະ 5 ປີ​ຕໍ່­ໜ້າ (2010-2015) ພິ­ຈາ­ລະ­ນາ​ກົດ­ໝາຍ 13 ສະ­ບັບ ໃນ​ນັ້ນ ກົດ­ໝາຍ​ສ້າງ​ໃໝ່​ມີ 3 ສະ­ບັບ ຄື: ກົດ­ໝາຍ​ວ່າ​ດ້ວຍ​ສະ­ພາ​ທະ­ນາຍ­ຄວາມ ກົດ­ໝາຍ​ວ່າ​ດ້ວຍ​ຫໍ­ສະ­ໝຸດ ແລະ ກົດ­ໝາຍ​ວ່າ​ດ້ວຍ​ການ​ສົ່ງ­ເສີມ​ວິ​ສາ​ຫະ​ກິດ​ຂະ​ໝາດ​ນ້ອຍ ແລະ ກາງ ສ່ວນ​ກົດ­ໝາຍ​ປັບ­ປຸງ​ມີ: ກົດ­ໝາຍ​ວ່າ​ດ້ວຍ​ງົບ­ປະ­ມານ​ແຫ່ງ​ລັດ ກົດ­ໝາຍ​ວ່າ​ດ້ວຍ​ການ​ໂທລະ​ຄົມ­ມະ­ນາ­ຄົມ ກົດ­ໝາຍ​ວ່າ​ດ້ວຍ​ພາ­ສີ ກົດ­ໝາຍ​ວ່າ​ດ້ວຍ​ອາ­ກອນ ກົດ­ໝາຍ​ວ່າ​ດ້ວຍ​ຊັບ​ສິນ​ທາງ​ປັນ­ຍາ ກົດ­ໝາຍ​ວ່າ​ດ້ວຍ​ຢາ ແລະ ຜະ­ລິດ​ຕະ​ພັນ​ການ​ແພດ ກົດ­ໝາຍ​ວ່າ​ດ້ວຍ​ອະ­ນາ­ໄມ​ກັນ​ພະ­ຍາດ-ສຸ­ຂະ­ພາບ ກົດ­ໝາຍ​ວ່າ​ດ້ວຍ​ໄຟ­ຟ້າ ກົດ­ໝາຍ​ວ່າ​ດ້ວຍ​ແຮ່​ທາດ ແລະ ກົດ­ໝາຍ​ວ່າ​ດ້ວຍ​ປະ­ກັນ​ໄພ ນອກ​ນັ້ນ​ຍັງ​ພິ­ຈາ­ລະ­ນາ​ບົດ​ລາຍ​ງານ​ກ່ຽວ​ກັບ​ການ­ຈັດ­ຕັ້ງ​ປະ­ຕິ­ບັດ​ ໜ້າ­ທີ່​ວຽກ​ງານ​ຂອງ​ຄະ­ນະ​ປະ­ຈຳ​ສະ­ພາ​ແຫ່ງ​ຊາດ ນັບ​ແຕ່​ກອງ​ປະ­ຊຸມ​ຄັ້ງ​ປະ­ຖົມ​ມະ­ລຶກ ຫາ ກອງ​ປະ­ຊຸມ​ສະ­ໄໝ​ສາ­ມັນ​ເທື່ອ​ທີ 2 ຂອງ​ສະ­ພາ​ແຫ່ງ​ຊາດ ຊຸດ​ທີ VII ພ້ອມ​ທັງ​ຮັບ​ຟັງ​ການ​ປະ­ກອບ​ຄຳ​ຄິດ​ເຫັນ​ຂອງ​ສູນ​ກາງ​ແນວ​ລາວ​ສ້າງ​ຊາດ ຕໍ່​ບົດ​ລາຍ​ງານ​ຂອງ​ປະ­ຈຳ​ສະ­ພາ​ແຫ່ງ​ຊາດ.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / ປ່ຽນ )

Twitter picture

You are commenting using your Twitter account. Log Out / ປ່ຽນ )

Facebook photo

You are commenting using your Facebook account. Log Out / ປ່ຽນ )

Google+ photo

You are commenting using your Google+ account. Log Out / ປ່ຽນ )

Connecting to %s